RGV on Telangana: తెలంగాణ అసెంబ్లీ ఎన్నికల ఫలితాల్లో కాంగ్రెస్ పార్టీ సత్తాచాటింది. నేడు (డిసెంబర్ 3) ఫలితాలు వెలువడగా.. అధికారానికి కావాల్సిన మెజార్టీ స్థానాలను హస్తం పార్టీ దక్కించుకుంది. స్పష్టమైన మెజార్టీ సాధించింది. సుమారు తొమ్మిదిన్నరేళ్లుగా అధికారంలో ఉన్న భారత రాష్ట్ర సమితి (బీఆర్ఎస్) పరాజయం పాలైంది. కాంగ్రెస్ కొత్త ప్రభుత్వాన్ని ఏర్పాటు చేయనుంది. అయితే, తెలంగాణ ఎన్నికల ఫలితాలపై సంచలన సినీ దర్శకుడు రామ్‍గోపాల్ వర్మ ట్వీట్ చేశారు. ముఖ్యమంత్రి ఎవరు కానున్నారో తన అభిప్రాయాన్ని వెల్లడించారు.
