Hansika Interesting Comments : యాపిల్ బ్యూటీ హన్సికా గురించి తెలుగు ప్రేక్షకులకు పెద్దగా పరిచయం అవసరం లేదు. చైల్డ్ ఆర్టిస్టుగా ఇండస్ట్రీలోకి అడుగు పెట్టిన ఆమె పలు హిందీ సినిమాల్లో అలరించింది. 16 ఏండ్లకే హీరోయిన్ గా మారింది. అల్లు అర్జున్ హీరోగా నటించిన ‘దేశముదురు’ సినిమాతో హీరోయిన్ గా టాలీవుడ్ కు పరిచయం అయ్యింది. తొలి మూవీతోనే బ్లాక్ బస్టర్ హిట్ అందుకుంది. ఆ తర్వాత తెలుగులో వరుస అవకాశాలను దక్కించుకుంది. రామ్ పోతినేని, ఎన్టీఆర్, ప్రభాస్, రవితేజ లాంటి స్టార్ హీరోలతో కలిసి సినిమాలు చేసింది.
తెలుగుతో పాటు తమిళం, కన్నడలోనూ పలు సినిమాల్లో నటించింది. ఆ తర్వాత పలు వెబ్ సిరీస్ లలోనూ నటించింది. గత ఏడాది తన బాయ్ ఫ్రెండ్ను పెళ్లి చేసుకుంది. ప్రస్తుతం ఈటీవీలో టెలీకాస్ట్ అవుతున్న ‘ఢీ’ డ్యాన్స్ షోకు జడ్జిగా వ్యవహరిస్తోంది. ఈ సందర్భంగా మల్లెమాల సంస్థ నిర్వహించిన ఓ చిట్ చాట్ లో పలు ఆసక్తికర విషయాలు వెల్లడించింది.
చిట్ చాట్ లో హన్సిక ఏం చెప్పిందంటే?
బాల నటిగా ఇండస్ట్రీలోకి అడుగు పెట్టి.. ఢీ షోకు జడ్జిగా చేయడం ఎలా ఉందని అడగ్గా, ఇదో గ్రేట్ ఎక్స్ పీరియెన్స్ అని చెప్పుకొచ్చింది. తెలుగు సినిమాలో స్పెషల్ సాంగ్ చేయాలనుకుంటే, ఏ హీరో పక్కన చేస్తారని ప్రశ్నించగా.. అల్లు అర్జున్ తో చేస్తానని ఠక్కున చెప్పేసింది. బన్నీ ఎనర్జిటిక్, అమేజింగ్ డ్యాన్సర్ అంటూ ప్రశంసల్లో ముంచెత్తింది. ఒకవేళ లిఫ్ట్ లో చిక్కుకుపోతే ఎవరికి కాల్ చేస్తావు? అని అడగ్గా, రవితేజకు ఫోన్ చేస్తానని చెప్పింది. ఆయన ఏదో ఒకటి చేసి లిఫ్ట్ నుంచి తనను కాపాడుతాడని చెప్పింది.
షూటింగ్ కు లేటుగా వెళ్తే చెప్పే కారణం ఏంటి? అని అడగ్గా, తాను షూటింగ్ విషయంలో ఎప్పుడూ లేటుగా వెళ్లలేదని చెప్పింది. ఒకవేళ లేట్ అయ్యిందంటే దానికి కారణం డ్రైవర్ లేదంటే, మేనేజర్ వల్లేనని చెప్పింది. తెలుగులో ఏ హీరోతో నటించాలని ఉంది? అనే ప్రశ్నకు.. పవన్ కల్యాణ్ తో సినిమా చేయలేదని చెప్పిన హన్సిక, వీలుంటే ఆయనతో కలిసి మూవీ చేస్తానని చెప్పింది. తెలుగులో అల్లు అర్జున్, ప్రభాస్, జూనియర్ ఎన్టీఆర్, రామ్ అంటే తనకు ఎంతో ఇష్టం అని చెప్పింది. వారంతా తనతో చాలా ఫ్రెండ్లీగా ఉంటారని వెల్లడించింది.
రాజమౌళి మూవీలో చేయాలనుంది!
ఇక అల్లు అర్జున్, హృతిక్ రోషన్ సినిమాల్లో ఒకేసారి అవకాశం వస్తే ఎవరితో నటిస్తారు? అని ప్రశ్నించగా, ఇద్దరితో సినిమా చేస్తాన్నది. అవసరం అయితే, రెండు షిఫ్టులలో వర్క్ చేస్తానని చెప్పింది. ప్రస్తుతం టాలీవుడ్ లో ఉన్న డైరెక్టర్లలో పూరి జగన్నాథ్ కాకుండా, ఎవరితో పని చేయాలనుంది? అనే ప్రశ్నకు.. రాజమౌళి అని చెప్పింది. చాలా కాలంగా ఆయన సినిమాలో నటించాలని ఎదరుచూస్తున్నట్లు చెప్పింది. ఏమాత్రం అవకాశం లభించినా ఆయన సినిమాలో చేస్తానని వెల్లడించింది.
Read Also: తెలుగు సినిమాల బాటలో ‘కంగువా’, తెల్లవారుజాము నుంచే షోలు షురూ!
మరిన్ని చూడండి
