Salman Khan: బాలీవుడ్ నటుడు, సూపర్ స్టార్ సల్మాన్ ఖాన్ కు గ్యాంగ్ స్టర్ లారెన్స్ బిష్ణోయి గ్యాంగ్ సభ్యుల నుంచి బెదిరింపు కాల్స్ కొనసాగుతున్నాయి. తాజాగా, తాము లారెన్స్ బిష్ణోయికి సంబంధించిన వారమని, వెంటనే సల్మాన్ ఖాన్ తమకు రూ. 5 కోట్లు చెల్లించకపోతే, అతడిని చంపేస్తామని ముంబై ట్రాఫిక్ హెల్ప్ లైన్ వాట్సాప్ నంబర్ కు ఒక మెసేజ్ వచ్చింది. సల్మాన్ ఖాన్ తో పాటు ఓ గేయ రచయితను లక్ష్యంగా చేసుకుని ఈ బెదిరింపు మెసేజ్ వచ్చింది. ‘మై సికందర్ హూన్’ పాట రాసిన గీత రచయితను చంపేస్తామని అందులో బెదిరించారు. సల్మాన్ ఖాన్ కు ఎవరైనా సహాయం చేస్తే తీవ్ర పర్యవసానాలు ఎదుర్కోవాల్సి వస్తుందని హెచ్చరించారు. ఆ గీత రచయితను రక్షించడానికి సల్మాన్ ఖాన్ తన పలుకుబడిని ఉపయోగించవచ్చని, అలా చేస్తే అతడికే నష్టమని హెచ్చరించారు.
