సెమీస్‌లో సమఉజ్జీల సమరం, బ్రిటీష్‌ సేనతో రోహిత్ సేన యుద్ధం

<div>
<div class="lSfe4c O5OgBe M9rH0b LDuQLd">
<div class="SoAPf">
<div class="n0jPhd ynAwRc tNxQIb nDgy9d" role="heading" aria-level="3"><strong>T20 WC, India vs England semi-final 2:&nbsp;</strong> సమరానికి సిద్ధంగా ఇరు జట్లు… ఏ విభాగంలో చూసినా పటిష్టంగా ఇరు సేనలు… టైటిల్&zwnj; కలను నెరవేర్చుకునేందుకు కేవలం రెండే అడుగుల దూరంలో అగ్ర జట్లు..బ్యాటింగ్&zwnj; పరంగా చూసినా…బౌలింగ్&zwnj;ను అంచనా వేసినా… మైదానంలో దూకుడు చూసినా ఇరు జట్లు సమానంగా ఉంటాయి. ఇప్పుడు ఈ ఇరు జట్లు సెమీస్&zwnj; సమరానికి సిద్ధమయ్యాయి. గత టీ 20 ప్రపంచకప్&zwnj;లో ఎదురైన పరాభవానికి బదులు తీర్చుకునేందుకు టీమిండియా(India) సిద్ధంగా ఉంది. ఇప్పటికే ఆస్ట్రేలియా(AUS) చేతిలో వన్డే ప్రపంచకప్&zwnj; ఫైనల్లో ఎదురైన ఓటమికి ప్రతీకారం తీర్చుకున్న భారత్&zwnj;… ఇక ఇంగ్లండ్&zwnj;(ENG) పని పట్టేందుకు సిద్ధమైంది. రోహిత్&zwnj; సేన దూకుడు చూస్తే బ్రిటీష్&zwnj; జట్టుకు అంత తేలిక కాదు. కానీ బట్లర్&zwnj; సేనను తక్కువ అంచనా వేస్తే మళ్లీ నిరాశ ఎదురవ్వక తప్పదు. ఇక ఈ మ్యాచ్&zwnj;లో విరాట్&zwnj; కోహ్లీ ఎలా ఆడతాడన్న దానిపైనే అందరి దృష్టి నెలకొని ఉంది. ఎందుకంటే గత మూడు ఐసీసీ ప్రపంచకప్&zwnj; సెమీ ఫైనల్లో విరాట్&zwnj; అర్ధ సెంచరీలు చేశాడు. మరోసారి విరాట్&zwnj; గర్జిస్తే ఇక టీమిండియాకు తిరుగే ఉండదు. ఎందుకంటే బౌలింగ్&zwnj;లో భారత్ అదరగొడుతుంది. ఇక బ్యాటింగ్&zwnj;లో కూడా రోహిత్&zwnj;ను అనుసరిస్తే భారత జట్టుకు తిరుగుండదు. టీ20 ప్రపంచకప్&zwnj;లో భారత్&zwnj;-ఇంగ్లాండ్ ఇప్పటివరకూ 4 మ్యాచులు ఆడగా… అందులో రోహిత్&zwnj; సేన రెండు, బ్రిటీష్&zwnj; జట్టు రెండు మ్యాచులు గెలిచాయి. ఇప్పటివరకూ ఇరు జట్లు 23 మ్యాచులు ఆడగా… 12 మ్యాచుల్లో భారత్&zwnj;…. 11 మ్యాచుల్లో ఇంగ్లాండ్&zwnj; గెలిచాయి. వీటిని బట్టి ఇరు జట్లు ఎంత సమఉజ్జీలుగా తెలుస్తాయో అర్థమవుతుంది.&nbsp;</div>
</div>
</div>
</div>
<div>&nbsp;</div>
<div><strong>టీమిండియా బలంగా</strong></div>
<div>బ్యాటింగ్&zwnj;లో టీమిండియా పర్వాలేదనిపిస్తున్నా బౌలింగ్&zwnj; మాత్రం చాలా బలంగా కనిపిస్తోంది. కానీ గత మ్యాచ్&zwnj;లో భారత విజయాన్ని ఏకపక్షంగా మార్చేసిన భారత కెప్టెన్&zwnj; రోహిత్&zwnj; శర్మ… భీకర ఫామ్&zwnj;లోకి తిరిగి రావడం టీమిండియాకు కలిసి రానుంది. రోహిత్&zwnj; మరోసారి దూకుడుగా ఆడితే ఇంగ్లాండ్&zwnj;కు కష్టాలు తప్పవు. విరాట్&zwnj; కోహ్లీ కూడా జోరు అందుకుంటే బ్యాటింగ్&zwnj;లో తిరుగుండదు. గత మూడు ప్రపంచకప్&zwnj; సెమీఫైనల్స్&zwnj;లో అర్ధ సెంచరీలతో కదం తొక్కిన విరాట్&zwnj;… మరోసారి టచ్&zwnj;లోకి వస్తే ఇంగ్లాండ్&zwnj;పై విజయం అంత కష్టమేమీ కాదు. ఎందుకంటే విరాట్ మినహా మిగిలిన బ్యాటర్లంతా రాణిస్తుండడం టీమిండియాకు అనుకూలంగా మారనుంది. రోహిత్&zwnj;, విరాట&zwnj;్ కోహ్లీ, సూర్యకుమార్&zwnj; యాదవ్&zwnj;, రిషభ్&zwnj; పంత్&zwnj;, హార్దిక్&zwnj; పాండ్యా, రవీంద్ర జడేజా, అక్షర్&zwnj; పటేల్&zwnj;లతో బ్యాటింగ్&zwnj; విభాగం బలంగా కనిపిస్తోంది. బుమ్రా, అర్ష్&zwnj;దీప్&zwnj;, హార్దిక్&zwnj; పాండ్యా కుల్&zwnj;దీప్&zwnj;లు ప్రత్యర్థి బ్యాటర్ల పని పట్టేందుకు సిద్ధంగా ఉన్నారు. ఐపీఎల్&zwnj;తో పోలిస్తే హార్దిక్&zwnj; పాండ్యా చాలా బాగా ఆడుతుండడం టీమిండియాకు కలిసి రానుంది. ఏది ఏమైనా ఈ మ్యాచ్&zwnj;లో గెలిచి ఫైనల్&zwnj; చేరాలని పట్టుదలగా ఉన్న భారత్&zwnj;… వచ్చిన ఏ&nbsp; అవకాశాన్ని వదులుకోవడానికి మాత్రం సిద్ధంగా లేదు.</div>
<div>&nbsp;</div>
<div><strong>ఇంగ్లాండ్&zwnj;ను తక్కువగా చూడలేం</strong></div>
<div>ఈ వన్డే ప్రపంచకప్&zwnj;లో ఇంగ్లాండ్&zwnj; పెద్దగా రాణించకపోయినా వారిని తక్కువగా అంచనా వేయలేం. ఎందుకంటే తమదైన రోజున బ్రిటీష్&zwnj; జట్టు అద్భుతాలు చేస్తుంది. ఆస్ట్రేలియా, సౌతాఫ్రికా చేతుల్లో ఓడిపోయిన బ్రిటీష్&zwnj; జట్టు…. చిన్నజట్లపై మాత్రం ఘన విజయాలు నమోదు చేసింది. ఇంగ్లాండ్&zwnj; ఓపెనర్లు బట్లర్, ఫిల్ సాల్ట్… వీళ్లిద్దరే బ్రిటీష్&zwnj; జట్టుకు సగం బలం. వీళ్లదరిని ఎంత త్వరగా అవుట్&zwnj; చేస్తే భారత విజయ శాతం అంత పెరుగుతుంది. బెయిర్ స్టో పెద్దగా రాణించట్లేదు. హ్యారీ బ్రూక్, లియామ్ లివింగ్ స్టోన్, మొయిన్ అలీ, శామ్ కర్రన్&zwnj;లు కూడా ధాటిగా బ్యాటింగ్&zwnj; చేయగలరు. చివరి ప్రపంచకప్&zwnj;లో ఇంగ్లండ్ మనల్ని 10వికెట్ల తేడాతో ఓడించింది. ఇప్పుడు దానికి ప్రతీకారాన్ని టీమిండియా తీర్చుకోవాల్సిందే.</div>



Source link