ఒక్కసారిగా కుప్పకూలింది..
‘‘ఆరు అంతస్తుల భవనం కూలిపోయినట్లు మాకు సమాచారం అందింది. ఈ ప్రమాదంలో గాయపడిన 15 మందిని రక్షించాం. కానీ, శిధిలాల కింద చాలా మంది చిక్కుకుపోయినట్లు భావిస్తున్నాం. వారిని రక్షించేందుకు ఎన్డీఆర్ఎఫ్, ఎస్డీఆర్ఎఫ్ బృందాలు పనిచేస్తున్నాయి’’ అని సూరత్ కలెక్టర్ సౌరభ్ పర్ధి తెలిపారు. ‘‘ఈ రోజు మధ్యాహ్నం 3 గంటల సమయంలో సచిన్ ప్రాంతంలో ఆరు అంతస్తుల భవనం కుప్పకూలింది. ఆ భవనంలో నివసిస్తున్న చాలా మంది లోపల చిక్కుకుపోయారు. పోలీసులు, అగ్నిమాపక సిబ్బంది వెంటనే సంఘటనా స్థలానికి చేరుకున్నారు. శిథిలాల కింద చిక్కుకున్న ఓ మహిళను విజయవంతంగా రక్షించారు. భవనం లోపల ఉన్న 30 ఫ్లాట్లలో చాలా ఫ్లాట్లు ఖాళీగానే ఉన్నాయి. ఆ భవనంలో చాలా మంది పనిలో ఉన్నారు. కొందరు నైట్ షిఫ్ట్ తరువాత నిద్ర పోతున్నారు. వారంతా శిధిలాల కింద చిక్కుకుపోయారు. ఎన్డీఆర్ఎఫ్, ఎస్డీఆర్ఎఫ్ అన్నీ సహాయ చర్యల్లో ఉన్నాయి’’ అని సూరత్ పోలీస్ కమిషనర్ అనుపమ్ సింగ్ గహ్లౌత్ తెలిపారు.
